Arumes da Fraga en Mera
O pasado domingo, día de Santiago, o Coro Arumes da Fraga, da FWFF, actuou en Mera, nas festas de Santa Ana, convidado polo grupo organizador desta xuntanza: A Marola. Ante un numeroso auditorio, o coro da Fundación interpretou varias pezas do seu repertorio e, como mostra e agradecemento, foille entregado un agasallo, recordo da súa participación.
Velaquí ven varias imaxes da actuación.
E onte, dentro do taller creativo Xogando coa Natureza en Villa Florentina, os nenos que están anotados nesta actividade realizaron unha nova obra: un verme de noces. A continuación, algúns dos presentes, fixeron unha espontánea lectura de varios contos ante o resto participantes.
